Tramp: "İran heç bir halda nüvə silahı əldə etməməlidir"
Niyə, a qağa..? Nə üçün nüvə silahı ABŞ-da, İsraildə, Fransada, İngiltərədə olsun, İranda olmasın?! Məgər, 1945-ci ildə atom bombası atıb Xirosimo və Naqasakini viran qoyanların, yetmişinci illərdə dinc, sısqa vyetnamlıları napali bombaları ilə yandıranların, səksənin əvvəllərində Səddama kimyəvi silah verənlərin, 11 sentyabrda Nyu-yorkdakı "əkiz qüllələr"i göyə sovurub terrora qarşı mübarizə bəhanəsilə Əfqanıstanı, İraqı, arxasınca Liviyanı, Suriyanı şumlayanların, İŞİD-i yaradıb dünyanın canına daraşdıranların kimlər olduğunu dünya ictimaiyyəti bilmir? İndi birdən-birə nə baş verdi ki, Qərb mələk libası geyindi, mədəniyyətlər beşiyi Şərq isə təhlükə törətdi...
Amma narahat olmayın, İranın Ali Rəhbəri dəfələrlə kütləvi qırğın silahlarının Allahın buyruqları, İslami yaşam tərzi ilə bir araya sığışmadığını, haram sayıldığını bəyan edib. Bu ölkənin dövləti və xalqı atomsuz da ərazilərini qorumaq iqtidarında, sülhməramlı nüvə strategiyasına uyğun elmi-iqtisadi tərəqqi yolundadır!
...ABŞ-ın İtaliyadakı “Siqonella” hərbi bazasında çıxış edən Donald Tramp, ilk xarici səfərinin Səudiyyə Ərəbistanına səfər etdiyini və bir çox İslam dövlətlərinin liderləri ilə görüşdüyünü xatırladıb.
ABŞ prezidenti bəyan edib ki, İran heç bir halda nüvə silah əldə etməməlidir.
“Biz bir daha təsdiqlədik ki, İran heç vaxt və heç bir halda nüvə silahına malik olmamalıdır”, deyə Tramp qeyd edib.
Qurban Cəbrayıl
ABŞ prezidenti bəyan edib ki, İran heç bir halda nüvə silah əldə etməməlidir.
“Biz bir daha təsdiqlədik ki, İran heç vaxt və heç bir halda nüvə silahına malik olmamalıdır”, deyə Tramp qeyd edib.
Qurban Cəbrayıl
